சித்தரத்தை

Galangal

Botanical Name: Alpinia galangal

English : Snap Ginger/ Cardamon ginger/ Indian ginger/Thai ginger/Blue ginger/ Galangal

Tamil : சித்தரத்தை

Malayalam : വലിയ അരത്ത

Hindi : कुलंजन

நீங்கள் பார்ப்பது சித்தரத்தை செடியின் படங்கள். இது இஞ்சியின் குடும்பத்தை சேர்ந்தது. இது ஒரு வலி நிவாரணி, சளியைக் குணப்படுத்தும், இருமலைக் குணப்படுத்தும். மூட்டு வாத வீக்கம் குணப்படுத்தும். வயிற்றுப் புண் அலுசரைக் குணப்படுத்தும். தொண்டைப் புண்ணைக் குணப்படுத்தும். ஒரு கிழங்கு இருந்தால் போதும் நிறைய செடியை உருவாக்கி விடலாம்.

நந்தியாவட்டம்

East Indian rosebay

Botanical Name:Tabernaemontana divaricata

English : East Indian rosebay

Tamil : நந்தியாவட்டம்

Malayalam : നന്ത്യാർവട്ടം

Hindi : चमेली / चन्दिनी / तगर 

எங்கள் தோட்டத்தில் வளர்ந்து நிற்கும் நந்தியார் வட்டம் அல்லது நந்தியாவட்டம். இது ஒரு குறு மரம் போல வளரும் தன்மை கொண்டது. இது கண்கள் சம்மந்தமான நோய்களை தீர்க்கும் ஆற்றல் கொண்டது. ஒரே ஒரு செடிதான் வைத்திருக்கிறோம். சாதாரணமாக தமிழகம் எங்கும் காணப்படுவது இது. இதன் பூக்களை பூஜைக்கும் பயன்படுத்துவார்கள்.

பதிமுகம்

Padhimugam

Botanical Name:Caesalpinia Sappan

English : Sappan Wood /East Indian red wood

Tamil : பதிமுகம் /பதாங்கம்

Malayalam : കുചന്ദനം

Hindi : बकम/ पतंग

நீங்கள் பார்ப்பது பதிமுகம் என்னும் மூலிகை மரம். இது தமிழகத்தில் மிக குறைவாகவே காண முடியும். கேரளாவில் அதிக அளவில் உள்ளது. இதன் மரப்பட்டை இரத்தத்தை சுத்திகரிக்கும் வல்லமை கொண்டது. கேரளாவில் இதை தண்ணீரில் ஊறவைத்து பருகுகிறார்கள், காரணம் இது தண்ணீரையும் சுத்திகரிக்கும் தன்மை கொண்டது.  

மூலிகை தோட்டம்

Herbal Garden

இந்த மாதம் தான் கொஞ்சம் செலவு செய்து எங்கள் முகாமின் தலைவர் திரு. பௌலி அவர்களின் முயற்சியினால் மூலிகை தோட்டத்தில் நடை பாதை அமைக்கப்பட்டது. இப்பொழுது பார்க்க இன்னும் அழகாக தெரிகிறது மற்றும் சுற்றி பார்க்க வசதியாக இருக்கிறது. ஒவ்வொரு செடியின் முன்பு அந்த செடியின் விவரங்களை ப்ளெக்ஸ் போர்டில் வைத்துள்ளோம். ப்ளெக்ஸ் போர்டு வைப்பதற்காகவே சிமெண்ட்டினால் மூங்கில் கம்புகளை செய்து அழகு படுத்தியுள்ளோம். 

தற்பொழுது நிறைய புதிய செடிகள் பெரியகுளம் தோட்டகக்லை கல்லூரியில் இருந்தும் கேரளத்தில் உள்ள கஞ்சிகோடு ஊரில் இருக்கும் ஆயுர்வேத சாலை மூலிகை தோட்டத்தில் இருந்தும் கொண்டு வந்துள்ளோம். 

தற்பொழுது எல்லா புது வரவுகளையும் சேர்த்து 350 எண்ணிக்கையை தாண்டிவிட்டது. விரைவில் 1000 வகை செடிகள் இருக்க வேண்டும் என்பதுதான் எங்கள் இலக்கு. 

                                                                                              (முயற்சி தொடரும் )

தாட்பூட்பழம்

Passion fruit

Botanical Name:Passiflora edulis

English : Passion fruit

Tamil : தாட்பூட்பழம்

Malayalam : പാഷൻ ഫ്രൂട്ട്

Hindi : जुनून फल

தோட்டத்தில் வளர்ந்து கொண்டிருக்கும் தாட் பூட் பழத்தின் கொடியை பார்க்கிறீர்கள். இப்பொழுதுதான் பூ பூக்க ஆரம்பிக்கிறது. மிக அற்புதமாக படர்ந்து ஒரு பந்தல் போல படரும் மற்றும் இதன் பழம் ஆரஞ்சு பழம் அளவுக்கு இருக்கும். அற்புதமான சுவை உடைய இதன் பழம் மருத்துவ குணம் உடையது. 

தும்பை

Common Leucas

Botanical Name:Leucas aspera

English : Common Leucas/ Spreng

Tamil : தும்பை

Malayalam : തുമ്പ

Hindi : छोटाहल्कुसा

நாங்கள் நட்ட தும்பை பூ செடியின் படங்கள். ஒரே ஒரு செடி தான் வைத்தோம். இப்பொழுது பரவி வளர்ந்துள்ளது. நமக்கு மிக பழக்கப்பட்ட மற்றும் மிக அருகாமையில் கிடைக்ககூடிய இந்த அற்புதமான மருத்துவ செடியை நாம் மறந்து வெகு நாட்களாகி விட்டது. சற்று முன் வருடங்கள் வரை இது கிராமங்களில் மருந்தாக பயன் படுத்தப்பட்ட செடி. நாம் இது மழைக்காலத்தில் வளர்ந்தவுடன் இதன் மீது தேனுக்காக அமரும் வண்ணத்துபூச்சியை பிடித்தும் அதன் வெண்மையான பூக்களை வாயில் வைத்து அதன் இனிப்பு சுவைக்காக உறிஞ்சும் விளையாடிய நாட்கள் இந்த தலைமுறைக்கு தெரியுமா என்பது கேள்விக்குறியே.

எங்கள் தோட்டத்தில் இது மழைகாலம் மட்டுமல்ல வருடம் முழுதும் இந்த செடி வளரும்படி பராமரித்து வருகிறோம். 'தும்பை போன்ற மனம் கொண்ட, தும்பை பூ நிறத்தில் ஆடையும்' உடுத்திய என்ற உருவகங்கள் கொண்ட இந்த செடியை காப்போமாக....

                                                  (வாசம் வீசும்...)

முறிகூட்டி

Cemetery plant

Botanical Name:Hemigraphis colorata

English : Red-flame ivy/Cemetery plant

Tamil : முறிகூட்டி

Malayalam : മുറികൂടി / മുറിയാൻ പച്ച

நாங்கள் புதிதாக தோட்டத்தில் வைத்த முறிகூடி மருத்துவ செடி இது. கேரளாவில் இருந்து கொண்டு வந்தது. முறிந்தவைகளை கூட வைப்பதால் இதன் பெயர் முறி கூடி ஆனது. 

வெங்காயம்

ONION

Botanical Name:Allium cepa 

English : Onion

Tamil : வெங்காயம் 

Malayalam : ഉള്ളി

Hindi : प्याज़

எங்கள் தோட்டத்தில் அழகாய் முளைத்திருக்கும் வெங்காயம். மிக அற்புதமாக வளர்ந்து இருக்கிறது.

அதன் அழகான பூக்களை பார்த்தால் மனம் கொள்ளை போவது உறுதி. மிக அற்புதமான ஒரு மருத்துவ செடி வெங்காயம். ஒரு வெங்காயம் போட்டால் அதில் வரும் பூக்களில் இருந்து பல வெங்காயத்தை மீண்டும் உருவாக்கலாம்.

நோனி

NONI 

Botanical Name:Morinda citrifolia 

English : Noni/ Indian mulberry

Tamil : வெண்நுணா/ நோனி 

Malayalam : നോനി

Hindi : बारतुन्डी

எங்களிடம் உள்ள நோனி என்ற குறு மரத்தின் படங்கள் இவை. இதை தமிழில் வெண் நுணா என்று கூறுவார்கள். மஞ்சனத்தி மர வகை குடும்பத்தை சேர்ந்தது. இதன் டானிக் மிகுந்த மருத்துவ குணம் உடையது மற்றும் இதன் விலையும் அதிகம். 

இப்பொழுதுதான் காய் காய்த்து இருக்கிறது. பெரிய பச்சை நிறத்தில் உள்ள புழு வந்து இதன் இலைகளை சாப்பிட்டு நாசம் செய்கிறது. இதனை கட்டுப்படுத்த தினமும் செடியை ஆராய்ந்து ஒவ்வொரு புழுக்களாக பிடித்து அழித்து வருகிறோம். பழம் பழுத்தவுடன் சாறு எடுப்பதுதான் எப்படி என்று தெரியவில்லை.

கரு ஊமத்தை

DATURA

Botanical Name: Datura fastuosa linn

English : Devil's trumpet /Thorn Apple

Tamil : கரு ஊமத்தை

Malayalam : വെളുത്തഉമ്മം

Hindi : धतूरा 

தோட்டத்தில் இருக்கும் கரு ஊமத்தையின் படங்கள் தான் மேலே காண்பது. இதன் செடி ஆழியாறு அரசு மூலிகை தோட்டத்தில் இருந்து கொண்டு வந்தோம். இப்பொழுது பூக்கள் பூக்க ஆரம்பத்திருக்கிறது.